Manamo’ui Bulletin Vol. 01.03.14

Fe’auhi Sipoti Fakafale ‘a e Kolisi Tonga 2014

‘Oku ‘oatu ‘a e kole fakamolemole mei he peesi ni ‘i he fuoloa hono ta’etuku atu ‘a ‘etau ongoongo mei he mala’e sipoti ‘atelita ke tau ‘inasi kotoa ai he ngalu ope.

Na’e lava lelei foki pea fakamāfana ‘a e fe’auhi sipoti fakafale ‘a e Kolisi Tonga ‘i hono 21 mo e 22 ‘o Fepueli.  Ne tefua ‘i he Fungamanamo’ui ‘a e Hou’eiki Kolisi Tutuku kae ‘uma’a ‘a e matu’a tauhi fānau pea pehē foki ki he ngaahi maheni ‘a e Kolisi Tonga ke fakamo’oni ki he taleniti ‘o e fānau mei he Funga ‘Atele.

Na’e tapa mai foki e kakai kehekehe ki hono tokoni’i e tanumaki e taleniti sipoti ‘a e fānau ‘aki ha’anau tokoni ki he ngaahi pale ‘o e fe’auhi.

1. Hoa e ‘Eiki Minisita Revenue (Fe’ao Vakata) – $T200

2. Fisipuna Tuiaki (Ako mo va’inga ‘i Siapani) – $T200

3. Komiti Pule ‘a e PTA (Tau’olunga) - $T200

4. Nove mo e Fāmili (Cable Box mei he Digigel)

Ko e anga leva ‘eni e tu’u e fe’auhi ‘a e ngaahi fale. Na’e mahino ‘aupito pe ‘a e fakaaoao ‘a e Fale ‘Alaivahamama’o ‘o nau ikuna mo malu’i ‘a e hau ‘o e fe’auhi. Ko e Pule fale ko Havea Liutolopaki.

1. ‘Alaivahamama’o

2. Ngū

3. Taufa’ahau

4. Tuku’aho

5. Tungī

6. ‘Aho’eitu

 Fale ‘Alaivahamama’o:

 Fale 'Alaivahamama'o 2014

Na’e fakamau’i ai pe foki mo e fānau na’e tu’ukimu’a ‘i he ngaahi grade takitaha neongo na’e ‘ikai lava e ngaahi fe’auhi lahi koe’uhi ko e ‘alotamaki. ko e ngaahi fetu’uhopo foki eni ‘oku fakatetu’a ki ai ‘a e Kolisi Tonga ‘i he fa’ahi ta’u sipoti fakakolisi ‘a e ngaahi kolisi ‘a Tongatapu ni ‘a ia ‘e fakahoko ki ‘Epeleli.

 Senior – Tēvita ‘Asipeli

Inter – Li’ekina Kaufusi / Taputafoki Kailea

Junior – Sione Sanft 

Midget – Kalakaua Faiva’ilo

DSC01651

Kuo ui ai pe mo e fānau tenau fakafofonga’i atu e Kolisi ki he ta’u 2014 pea kuo kamata e mohetaha ‘a e fanau ko ia ‘oku fiefia e peesi ni ke fakaafe’i ha taha ‘oku fie ‘eva ange ki he Kolisi Tonga pea ‘oua na’a ngalo temau talitali fiefia ha’amou tokoni ‘i ha fa’ahinga taimi pe.

 

‘Aho 04 Ma’asi:

Na’e mavahe atu ai pe ‘a Lisiate Sole ‘i he Tuapulelulu ko hono 27 ‘o Fēpueli ‘i ha faigamālie ako mo e va’inga ‘akapulu ta’u ‘e tolu ‘i he Hamilton High School (Hamilton, NZ), pea oku kei toko lahi pe mo e fānau te nau folau atu ‘i he māhina katu’u ‘i he ngaahi faigamālie tatau pe.

 DSC01043

 

Polokalama Malimali:

Na’e ta’imālie ‘a e fānauako ‘o e Funga ‘Atele ‘i ha ‘a’ahi mei he Falemahaki Vaiola ‘a e kau mataotao mei va’a nifo mo e (Polokalama Malimali) ‘a e Potungaue Mo’ui, ‘o fakahoko ha ako mo e tokoni ki he fānauako ‘i hono tauhi mo tokanga’i honau nifo ke mo’ui lelei, na’e taki mai foki ‘i he kau ‘a’ahiʹ ni ‘a Dr. Fusi Fifita.


Warning: Invalid argument supplied for foreach() in /home3/atele/public_html/wp-content/plugins/facebook-like-and-comment/comments.php on line 21